Sunday, December 30, 2012

Мэдээ


БАЯРТ МЭДЭЭ

Манай сумын 10 жилийн сургуулийн 1993 оны төгсөгч Дамдиндоржийн Дэжидмаа АНУ-д докторантурт суралцахаар мордлоо. Шинэчлэлийн Засгийн Газрын ил тод, нээлттэй, шударга сонгон шалгаруулалтын ачаар төрийн сангийн зээлээр суралцах ийм азтай бас ховор боломж олдсоныг дурдах нь зүйтэй юм. Тэрээр 1993-1997 онд ТИС-ийг уул уурхайн маркшейдэр мэргэжлээр бакалавр зэрэгтэйгээр суралцан төгсөж, 2006-2008 онд Японд магистраа  хамгаалж байсан юм.
Хэдхэн долоо хоногийн өмнө элчин сайд асан Очирын Очиржавын дэмжлэгээр манай сумаас гурван оюутан Турк улс руу суралцахаар явсан талаар бид мэдээлж байсан билээ.  Дашрамд дурдахад 1990 оноос хойш манай нутгийн арав гаруй залуус хилийн чанадад суралцаж төгсжээ.
Мөн ОХУ-ын Тверь хотод маршал Г.К.Жуковын нэрэмжит Агаар, сансарын довтолгооноос хамгаалах цэргийн академид дэд хурандаа Болдбаатарын Наранбадрал нарын зэрэг цөөнгүй залуус манай сумаас одоогоор гадаадад суралцаж байгаа болно.
Та бүхэндээ бүгдэд нь амжилттай суралцаж төгсөж ирээд улс орныхоо хөгжилд хувь нэмрээ оруулж, ихийг бүтээн нутаг усныхаа нэрийг мандуулан гаргаарай хэмээн ерөөж, шинэ оны босгон дээр Нутгийн зөвлөлөөс АЗ ЖАРГАЛ САЙН САЙХНЫГ зон олондоо хүсье!

Улаанбаатар хот дахь Баян-Уул сумын нутгийн зөвлөл

Wednesday, December 19, 2012

Буриадын шинэ жилийн цэнгүүн-2012

Буриадын шинэ жилийн цэнгүүн 2012.12.16-нд "Варриате" чуулгын "Эргэн дурсахуй" клубт болов.





Төр нийгмийн нэрт зүтгэлтэн Жамбын Батмөнх агсаны гэргий Дариймаа (манай сумын уугуул) , 80 нас хүрсэн ч ануухнаараа буурайтай хамтдаа

МУГЖ цол хүртлээ

ДБЭТ-ийн гоцлол дуучин, МУСТА Дамдинжавын Долгормаа МУГЖ цол хүртлээ

Монгол Улсын Ерөнхийлөгч Ц.Элбэгдорж их эзэн Чингис хааны мэндэлсний 850 жилийн ойг тохиолдуулан 2012 оны 11 сарын 14-ний өдөр зарлиг гаргаж, олон жил үр бүтээлтэй ажилласан зарим иргэдийг төрийн дээд цол, одон, медалиар шагналаа.





ТАЛАРХАЛ


Баян-Уулаас Баясалын Саруул-Од, Батжаргалын Отгонжаргал, Мөнхтулгын Мөнхбаяр нар Түркт сурахаар явлаа. Энэ ажилд идэвхитэй оролцсон Улаанбаатар дахь нутгийн зөвлөлд, ялангуяа С.Баттөр, Р.Онон нарт талархал илэрхийлье.

Thursday, November 8, 2012

Эмгэнэл

Гэргий, үр хүүхэд, төрөл садан, найз нөхөд, талийгаачийг таньж мэддэг хэн бүхэнд нутгийн зон олны нэрийн өмнөөс гүн эмгэнэл илэрхийлье.

Баян-Уул сумын нутгийн зөвлөл
Эх сурвалж: "Зууны мэдээ"

Friday, October 26, 2012

Манай сумаас төрсөн эрдэмтэд

ЭРДЭМТНИЙ ТАНИЛЦУУЛГА


Цэвээн овогтой Дугарням

Төрсөн газар: Дорнод, Баян-Уул
Мэргэжил: хүний их эмч

Диссертацийн ажлууд


Сэдэв Он Салбар
Болзолт рефлекс үүсэхэд саатлын нөлөө1962 Анагаах

Бүтээлүүдийн жагсаалт

А.С. Маркосяны Хэвийн физиологи номыг орос хэлнээс орчуулж, 10 өгүүлэл, 10 илтгэл бичиж хэвлүүлсэн. 
___________________________________________________________

Зундуй овогтой Шагдар

Дэд эрдэмтэн
Төрсөн газар: ,
Мэргэжил:

Диссертацийн ажлууд


Сэдэв Он Салбар
БНМАУ-ын 110 кв-ын цахилгааны сүлжээнд гүйдлийн соронзон трансформатор хэрэглэх судалгаа1979 Техник
___________________________________________________________

Цог овогтой Цэдэндамба

Дэд эрдэмтэн
Төрсөн газар: ,
Мэргэжил:

Диссертацийн ажлууд


Сэдэв Он Салбар
БНМАУ-ын нөхцөлд төвлөрсөн дулаан хангамжийн системийн ажлын горимыг судалсан ба боловсронгуй болгох тухай1977 Техник
________________________________________________________________

Тойсом овогтой Галсан

Боловсролын доктор (Ph.D)
Төрсөн газар: ,
Мэргэжил:

Диссертацийн ажлууд


Сэдэв Он Салбар
Хорь буриадын домгийн түүхэн үндэс1998 Нийгэм

Бүтээлүүдийн жагсаалт

1."Уран зохиолын хичээлээс гадуур зохиох ажлыг шинжлэх ухааны үндэстэй зохион байгуулж байгаа нь" э/ш өгүүлэл. 1975 он, АБЯ, СХУХ-гээс зохион байгуулсан СХУ-д 2-р байр эзэлсэн. "Багш нарын туршлага" цуврал УБ. 1976 2. "Сухомленскийн сурган хүмүүжүүлэх үзэл санааг үйл ажилдаа хэрэгжүүлж байгаа нь" илтгэл-өгүүлэл. Мөн уншлагад тусгай шагнал хүртсэн. 3. "Буриадын шилдэг ерөөл" 2.5хх, ШУА-ийн "Эрдэм" хэвлэл 4. "Монгол буриадын амрагийн дуун" 2.5 х.х УБ. 1994. Мөн хэвлэл "Баян-Уулын орйын түүхийн тойм" 4х.х Чойбалсан хот. 1994 6. "Монгол улс дагараа орсон буриад нарын хурлын тогтоолууд" "Үнэн" сонин 1994 7. "Австраль руу ачигдсан буриадууд" өгүүлэл. "Ил товчоо" 1995 8. "Хоёр улсад өргөсөн тангараг" тэмдэглэл "Ил товчоо" 1996 9. "Туг уулын домог"ь"Ил товчоо" 1997.№ 20 10."Өвгөдийн хууч яриа", "Зан үйлийн тэмдэглэл" ШУА."Угсаатны судлал" 1997 11."Нуусан бэлзгийг олсон минь", "Дал" сонин 1997 №11 12." Буриадын язгуур домогийн товчоон" 10х.х. УБ.1998.ШУА-ын "Эрдэм" хэвлэл

___________________________________________________________________

Бат овогтой Түмэн

Боловсролын доктор (Ph.D)
Төрсөн газар: Дорнод, Баян-Уул
Мэргэжил: команд-штаб, оператив тактик

Диссертацийн ажлууд


Сэдэв Он Салбар
Маневрын хориглолт2001 Нийгэм

______________________________________________________________

Баатарцогт овогтой Ширнэн

Боловсролын доктор (Ph.D)
Төрсөн газар: Дорнод, Баян-Уул
Мэргэжил: орос хэлний багш

Диссертацийн ажлууд


Сэдэв Он Салбар
Монголчуудын үсэг бичгийн хэрэглээг нийгмийн хэл шинжлэлийн үүднээс судлах нь /монгол бичиг, латин, кирил үсгийн жишээн дээр/2006 Нийгэм

Бүтээлүүдийн жагсаалт

1. h - авиаг тэмдэглэх асуудалд. ХУИС. Эрдэм шинжилгээний бичиг. Боть I (05). УБ. 2003. XII. 2. Тэнгэр уншихуй. (Ардын ёс заншилын календарь. Ред: доктор /Sc.D/ Ч.Зэгиймаа.) УБ. ADMON. 2004. IV сар. Зохиогчийн эрх №1917. 3. Онон - Улз, Эг - Үүр, Сэлэнгийн буриад аялгуу. ("Алтаргана - 2004" Эрдэм шинжилгээний бага хуралд тавьсан илтгэл) Чойбалсан хот. 2004. V. 4. Буриадын нүүдэл, хэл - аялгууны учир, (Түүх - хэлшинжлэл. Ред: доктор /Ph.D/ Г.Гантогтох) УБ. ADMON. 2005. IV. 5. Эх хэлийг тойрсон гажуудлууд. (ХИС - ийн Эрдэм шинжилгээний бага хуралд таьсан илтгэл.) 2005. IV. 6. Фонологи, түүний үндсүүд. (Авиан зүй. Ред: доктор /Ph.D/ Г.Жамбалсүрэн) УБ.XEROX. 2005. VI. 7. Илүүдсэн - Щ. (өгүүлэл.) Зууны мэдээ. 2005. VII.19. № 170 (1993) 8. Төрөөс баримтлах хэлний бодлогын асуудлууд. (илтгэл, хэлсэн үгийн эмхэтгэл. Ред: доктор /Sc.D/ Ч.Зэгиймаа.) эмхэтгэсэн. УБ. 2005. VII. 9. h - авиаг судлахын оршилд. (Авиан зүй. Ред: доктор /Ph.D/ Л.Манлажав) УБ. ADMON. 2005. VII. 10.Төрөөс баримтлах хэлний бодлогын асуудлууд. (Даяаршил ба хэлний бодлого) нийтлүүлсэн. Зууны мэдээ. 2005. VIII.05 № 185.(2008) 11. Монголын буриад угсаатны онцлог, хэл судлалын хэтийн төлөв. (Т.А.Бертгаевийн нэрэмжит олон улсын ЭШ - ний бага хуралд хэлэлцүүлсэн илтгэл) Улан - Удэ. 2005.XI.10 

______________________________________________________________________

Төмөрбаатар овогтой Цэрмаа

Боловсролын доктор (Ph.D)
Төрсөн газар: Дорнод, Баян-Уул
Мэргэжил: монгол хэлний багш

Диссертацийн ажлууд


Сэдэв Он Салбар
Ага аман аялгуу2006 Нийгэм

Бүтээлүүдийн жагсаалт

1.Ага буриад аман аялгууны хэлзүй хэлбэрүүд дэх авианы хувьсал, Уб., 1998 2. Анхдагч болон үүсмэл ур эгшгийн тухай.УБИС."Монгол хэл шинжлэл" сэтгүүл Уб., 1999 3. Буриад аялгууны хөөмийн h нь авиа суларч хөгжсөний үр дүн мөн УБИС.Монгол хэл шинжлэл сэтгүүл. 4. Буриад аялгууны асуун чимэх үгийн тухай. МУБИС, төгсөлтийн дараах сургалтын алба. Уб., 2002 5. Буриад аялгууны тийн ялгалын хэлбэрийн тухай асуудалд.,БИС.ЭШ бичиг. Улаан-Үд.2003

Saturday, October 20, 2012

Буриад түмэндээ зориулсан хүндэтгэлийн тоглолт

Монгол улсын СТА, ОХУ-ын Буриад улсын ардын жүжигчин дуучин Д.Долгормаа эгчийн тоглолт амжилттай болж өндөрлөлөө. Эгчийн маань настай ээж, түүнийг таньж мэддэг, дууг нь уяран сонсох дуртай бүх л зон олон, нэг сургууль төгссөн ангийн хамт олон, уран бүтээлийн анд нөхөд нь хуран цуглаж үдшийг хамтдаа сайхан өнгөрөөсөндөө бүгд сэтгэл дүүрэн байлаа.
Дуурь бүжгийн эрдмийн театрын гоцлол дуучин, Монгол Улсын соёлын тэргүүний ажилтан Д.Долгормаа өнгөрсөн бямба гаригт “Буриад түмэндээ өргөх хүндэтгэлийн тоглолт” дуун цэнгүүнээ өргөн олондоо толилуулжээ. Түүний тоглолтод ардын жүжигчин Б.Жавзандулам, гавьяат жүжигчин М.Найдалмаа, А.Бүтэд, соёлын тэргүүний ажилтан, ОХУ-ын Буриад улсын соёлын гавьяат жүжигчин Г.Батцэрэн, соёлын тэргүүний ажилтан, ОХУ-ын Усть-Ордагийн гавьяат жүжигчин Д.Бямбажав, ДБЭТ-ын гоцлол дуучин Ч.Чинзориг, Ариунаа, соёлын тэргүүний ажилтан Ж.Чингис, Т.Наранцэцэг, Ц.Мөнхболд нарын олон уран бүтээлч урилгаар оролцож ая дууны мялаалга өргөсөн байна. Түүнчлэн БНХАУ-ын нэгдүгээр дэсийн тоглогч, ӨМӨЗО-ны Хөдөлмөрийн баатар, Монгол Улсын соёлын тэргүүний ажилтан дуучин Ц.Должин Д.Долгормаа дуучны тоглолтод урилгаар ирж оролцжээ.
ДБЭТ-ын гоцлол дуучин Д.Долгормаа сонгодог урлагийн сүм болсон дуурийн театрт хөл тавьснаас 30 гаруй жил дэлхийн болон үндэсний сонгодог дууриудад дуулж, хоолойн цараагаа гайхуулсан дуучин юм. Харин тэрээр энэ удаа буриад зон олондоо зориулан хүндэтгэлийн тоглолтоо хийсэн нь энэ юм. Тоглолтынх нь үеэр дуучин Д.Долгормааг Ард түмний гавьяат цолоор шагнасан байна. Мөн Дэлхийн монгол туурагтны боловсрол, соёл, урлагийн академиас түүнд гавьяат жүжигчин цол олгожээ.
Тоглолтод Буриадын соёл, уламжлалыг хөгжүүлэх сангийн ерөнхийлөгч С.Билэгсайхан, Буриад улсын төлөөлөгчийн газрын орлогч дарга Б.Жаргал болон дуучны төрсөн нутаг Дорнод аймгийн Баян-Уул сумын Улаанбаатар хот дахь нутгийн зөвлөл, 10 жилийн ангийн нөхөд нь, ДБЭТ-ын хамт олон Хөгжим бүжгийн коллежийн хамт олон хүрэлцэн ирж, нутгийн дуучиндаа хүндэтгэл үзүүлсэн юм.
Уран бүтээлч эгчдээ Нутгийн Зөвлөлийн нэрийн өмнөөс уран бүтээлийн их олз, эрүүл энх, аз жаргалыг хүсэн ерөөе!




Saturday, October 13, 2012

lesson on October

lesson on October 14
lesson on October 21

lesson on October 28
 

 

Saturday, October 6, 2012


Д.Долгормаа: Нас 50 гарсан ч хоолой минь цуцаагүй хэвээр

Дуурь бүжгийн эрдмийн театрын гоцлол дуучин, Хөгжим бүжгийн коллежийн дуулаачийн ангийн багш, ОХУ- ын Бүгд Найрамдах Буриад Улсын ардын жүжигчин Д.Долгормааг “Бямбын ярилцлага”- ын зочноор урилаа. Хөгжим бүжгийн коллежийн хичээлийн шинэхэн байрны гуравдугаар давхарт ардын жүжигчин Д.Жаргалсайхан агсны нэрэмжит танхим байгуулж, шавь нар нь тохижуулжээ. Тэр нь манай зочны хичээлийн танхим аж. Тус коллежийн дуулаачийн дээд курсийн төгсөх ангийн оюутан Б.Энхзул Д.Долгормаа багшийн гарын шавь. “Жаргалын зам” дуурийн Халиуны арид тэд бэлдэж байна. Хөдөлмөрийн баатар, ардын жүжигчин Л.Цогзолмаа гуайн дуулснаар бидний мэдэх болсон энэ сайхан аялгуу өрөөнд эгшиглэнэ. “Дуулна гэдэг дуундаа орохыг хэлнэ. Өөрийгөө хайртай залуугаа сэтгэл догдлон хүлээж байна гэж төсөөл“ хэмээн багш нь зөвлөнө. Удалгүй хичээл дуусав. “Үдээс хойш нэг давтах уу?” гэж багшаасаа лавласаар шавь нь гарлаа. Хөдөлмөрийн баатар, ардын жүжигчин Ц.Пүрэвдоржид тоогдож гарын шавь нь болсон азтай, бас чансаатай уран бүтээлчтэй ийн ярилцсан юм.
-Та дуучин мэргэжлийг яагаад сонгосон бэ?
-Би Дорнод аймгийн Баян-Уул сумын уугуул. Сумын төвийн хойд хэсгээр Улзын гол урсдаг. Манай нутгийнхан “хавтгай цагаан Улзамнай” гээд л дуулцгаадаг. Миний хүүхэд нас Улз голын эрэг дээр өнгөрсөн. Улзын усанд өдөржин шумбаж, үнээ сааж, тугал хариулж өссөн хөдөөний хүүхэд. Би багын л дуулах дуртай байлаа. Манай буриадууд ажилсаг ард түмэн. Эрчүүд нь сүхээ бариад гарахаараа байшин саваа барина. Хадлан тариагаа бэлтгэнэ, ногоо тарина, хийхгүй ажил байхгүй. Ажлаа ч амжуулна, түүнийхээ хажуугаар найр наадамд дуртай, дуулж хуурдсан хүмүүс л дээ. Би багадаа найрын дуу дуулж л байсан. Дуулах авьяасыг бурхнаас заяадаг болов уу. Гэсэн ч анх дуулаачийн биш, кино драмын ангид хуваарилагдаж хотод ирсэн. Тэгэхэд манай нутгийн ах, ардын жүжигчин Д.Жаргалсайхан дахин шалгуулж, дуулаачийн ангид оруулж билээ. Намайг сонгодог урлагт хөтөлж оруулсан хүн бол Д.Жаргалсайхан агсан шүү дээ.
-Тэгвэл аргил хоолойт Хөдөлмөрийн баатар, ардын жүжигчин Ц.Пүрэвдорж агсан таны багш байсан гэж дуулсан юм байна?
-Тийм шүү. Би Багшийн дээд сургуулийн найрал дуу дуулаачийн ангийг 1981 онд төгсөөд Дуурь, бүжгийн театрт хуваарилагдсан. Соёл, урлагийн их сургууль байгуулагдахаас өмнө дуучин, жүжигчдийг Багшийн дээд сургуульд бэлтгэж байлаа. Оюутан байхад шалгалт авч, дуучин болно хэмээн тоож судсыг минь барьж, дуулах урлагт сургасан хүн бол Ц.Пүрэвдорж багш минь. Дуурийн театртаа найрал дуучнаар ороод, гоцлол дуучин болтлоо 33 жил ажиллажээ. Энэ хугацаанд 40-өөд уран бүтээлийн гол болон туслах дүр бүтээсэн. Харин сүүлийн 10 гаруй жил Хөгжим бүжгийн коллежид багшилж байна. Мэргэжлийн дуучид яваандаа багш л болдог юм байна. Манай мэргэжлийн урлагийнхан цөөхөн л дөө. Тиймээс ахмад уран бүтээлчид маань багшилдаг байсан. Тэр замналаар ирээдүйн дуучдаа бэлтгэхэд хувь нэмэр оруулж явна даа.
-Таныг эмэгтэй хүний эрдүү бүдүүн хоолойтой гэдэг юм билээ?
-Тийм ээ, би меццо сапрон хоолойтой. Дуучин хүн хоолойнхоо өнгөөр дуурийн дүрүүдийг гаргадаг. -Эрдүү хоолойтой учир Ц.Пүрэвдорж багш тань шавиа болгосон юм болов уу? -Анх шалгуулж байхад багш маань “За, энэ хүүхдийг би авъя” гээд намайг сонгож байсан. Адилхнан буриад болохоор уу, эсвэл хоолойг минь бодсон уу, ямар шалгуураар намайг сонгосныг мэдэхгүй. Ямартай ч их сургуулийн дөрвөн жилд багшаасаа их зүйл сурсан даа. Багш үг дуу цөөнтэй, яаж ч хичээсэн “сайн”-аас өөр дүр тавихгүй. Хоолойн цараа шаардсан дуу ч дуулуулахгүй удаан явсан. “Болоогүй ээ” гээд л байдаг. Тэгж сайн бэлтгэж, дуучин болгодог. Сургууль төгсөх улсын шалгалтад анх удаа онц авч билээ. Одоо би 50 гарсан хэр нь хоолой минь цуцаагүй хэвээрээ л байна. Энэ бол мэргэжлийн суурийг сайн тавьж өгсөн багшийн минь хөдөлмөрийн үр дүн гэж боддог.
-Танд хоолойн цараа шаардсан томоохон уран бүтээлд хүч үзэх сонирхол байдаг уу?
-Ийм мөрөөдөлгүй л бол уран бүтээлч биш. Манай театр ирэх дөрөвдүгээр сард Ж.Вердийн “Аида” дуурийг тавих гэж байгаа. “Аида”- гийн нэг гол дүрд тоглохоор бэлтгэж байна. Багшийнхаа заах арга барилыг өөрөө багш болоод л илүү сайн мэддэг юм байна. Багш минь “Одоо л хоолойн хүч шаардсан дуунуудыг дуулбал сайхан байна даа” гэж амьдралынхаа сүүлийн хэдхэн жилд хэлж байж билээ. Тэгэхээр манай багш хүнийг нэг их дэвэргэж онгироохгүй, ухаантай хүн байсан. Ардын уран зохиолч С.Эрдэнэ баавай, манай багш хоёр Хэнтийн Дадал сумын нутаг Сэрүүн Галттай хэмээх газарт төрсөн нэг довны хүүхдүүд. Багшийнхаа мэндэлсний 70 жилийн ойгоор нутагт нь очиж байлаа. С.Эрдэнэ баавайн нутагтаа болсон түүхэн үйл явдлаас сэдэвлэж бичсэн зохиол нь “Сэрүүн дуганы мөхөл” кино болсон. Одоо тэнд сайхан дуган байгуулсан байдаг.
-Ажлынхаа хажуугаар уран бүтээлийн тоглолтдоо бэлтгээд та зав муутай байна уу?
-Тийм ээ. Энэ сарын 20-нд нийслэлийн “Улаанбаатар” чуулгын концертийн танхимд тоглолтоо хийхээр бэлтгэж байна. Би 2005 онд Улаан-Үд хотод болсон буриад түмний “Алтаргана” наадмаар Буриад улсын гавьяат жүжигчин болсон. Зургаан жилийн дараа өнгөрсөн зун Чита мужид болсон “Алтаргана” наадмаар ардын жүжигчин хэмээх хүндтэй шагналаа надад олголоо. Энэ бол Монголдоо ажиллаж, уран бүтээлээ туурвиж яваа надад Оросын буриад түмэн хүндэтгэл үзүүлж байгаагийн илрэл гэж шагналаа баяртай хүлээж авсан. Тиймээс ардын жүжигчин цолныхоо мялаалга болгож буриад түмэндээ өргөх хүндэтгэлийн тоглолт хийхээр болсон. Тоглолтод маань Монголдоо ажиллаж, амьдардаг буриад уран бүтээлчид ая дуугаа өргөнө. Ардын жүжигчин Б.Жавзандулам, А.Бүтэд, М.Найдалмаа, ардын жүжигчин Д.Жаргалсайхан агсны хүү Ж.Чингис, мөн манай залуу уран бүтээлчид шавь нар минь оролцохоо мэдэгдсэн. БНХАУ-ын Өвөрмонголын хөдөлмөрийн баатар Должин урилгаар оролцоно. Тоглолтын үеэр буриад үндэсний хувцасны загварыг үзүүлэх юм.
-Оросын холбооны Буриад улсын ардын жүжигчин хэчнээн монгол хүн байна вэ?
-Хөдөлмөрийн баатар, ардын жүжигчин Ц.Пүрэвдорж багш, дараа нь ардын жүжигчин Д.Жаргалсайхан ах авч байсан. Монголын сонгодог урлагийн ноён оргил болсон багш нар минь хоёулаа миний ойр дотнын хүмүүс байсан. Улаан-Үдийн Дуурийн театрт ажилладаг Наранбаатар гэж монгол залуу мөн Буриадын ардын жүжигчин болсон. Энэ нь цөөхөн хүнд өгдөг хүндтэй шагнал нь юм билээ. Монголын буриад уран бүтээлчдээс хоёр багшийн минь дараа намайг шагнасан нь монголчуудыг үнэлсэн том үнэлгээ гэж ойлгодог. Оросын ард түмний урлагийн суурь нь Европынхтой адил сонгодог чиглэл рүү түлхүү хөгжсөн. Тиймээс хүмүүс нь хөгжмийн боловсрол өндөртэй. Хүүхд үүд нь багаасаа сонгодог урлаг сонирхож, хөгжмийн боловсрол олж авдаг. Сонгодог урлаг бол бүх дэлхийн хэл
-Буриад түмний урлаг соёлын “Алтаргана” наадмыг зохион байгуулах болсноор буриад зон үндэсний хувцсаараа гоёдог, үндэсний дуугаа ч нэлээд сонирхдог болсон шиг санагддаг?
-Монголд Буриадын өв уламжлалыг хөгжүүлэх сан үйл ажиллагаа явуулдаг. Ерөнхийлөгчөөр нь УИХ-ын гишүүн асан С.Билэгсайхан ажилладаг юм. Газар газрын буриадуудыг нэгтгэхэд “Алтаргана” наадам том хөшүүрэг болсон. Буриад улс олон чадалтай дуучидтай. Манай дуурь бүжгийн эрдмийн театр Буриадын Дуурийн театртай холбоотой ажилладаг, дуучин солилцдог байлаа. Бид багаараа Буриадын театрт очиж тоглолт хийсэн. Би буриадын хэд хэдэн аймгаар бие даасан тайлан тоглолтоо ч хийж явлаа.
-Буриад дуу их уянгалаг аялгуутай шүү дээ?
-Буриад дуу үг, аялгуу, нугалаагаараа ялгаатай. Түүгээрээ хүнд хүрдэг онцлогтой. Би Буриад улсын хөгжмийн зохиолч Анатолий Андреевич, Чингис Павлов нарын дуунуудыг дуулсан. Мөн Монголынхоо буриад ардын сайхан дуунуудыг олон түмэндээ хүргэж, буриад дууны гурван цомог гаргалаа. Сүүлийн жилүүдэд “Алтаргана” наадмын ачаар буриад дуунуудыг түлхүү зохиолгож байна. Монгол хөгжмийн зохиолчид ч буриад аялгуу бичиж байна. Би уран бүтээлч хүний хувьд үндэсний дуу хөгжмөө сурталчлах, хойч үедээ өвлүүлэхэд хувь нэмрээ оруулахыг хичээдэг. Сүүлийн жилүүдэд зохиогдсон буриад дуунуудыг ноотолж, эмхэтгэн ном гаргахаар ажиллаж байна. “Алтаргана” наадам дараагийн удаа 2014 онд Хэнтийн Дадал суманд болно. Түүнээс өмнө номоо гаргах санаатай бэлтгэж байна.
-Дуурь бол сонгодог урлаг. Сонгодог урлагийг өнөөдөр тодорхой хүрээнийхэн л сонсож байна. Тиймээс та уран бүтээлээрээ олонд төдийлэн танигдахгүй байх шиг ээ?
-Тийм байж магадгүй. Би сонгодог урлагтаа л үнэнч хүн дээ. Ажлаа хийгээд, дуурьтаа дүрээ бүтээгээд, хүүхдүүддээ багшлаад явбал боллоо. Түүнээс олонд танигдах, нэр алдар олох гэж янз бүрийн дуу дуулж, концерт тоглоод явах сонирхол байхгүй. Сонгодог урлаг гайхалтай тансаг шүү дээ. Тэр дундаа хөгжим, симфони оркестрийн яруу тансаг аялгуунаас холдож чадна гэж үү. Хүн ингэж хөгжмөөс холдож чадахгүй болдог л юм байна.
-Та чөлөөт цагаараа юу хийдэг вэ?
-Чөлөөт цаг бага даа. Цаг гарвал хөдөө гарч амрах дуртай. Өнгөрсөн амралтын өдөр зуслан руу явж, аньс түүж сайхан амарлаа.

Tuesday, October 2, 2012

Зарлал 

Дуу Бүжгийн Эрдмийн Театрын гоцлол дуучин, Оросын Холбооны Буриад Улсын Ардын жүжигчин, МУСТА Дамдинжавын Долгормаа авгайн Буриад түмэндээ өргөн барих “Хүндэтгэлийн тоглолт” 2012 оны 10-р сарын 20-ний өдрийн 17:00 цагт Нийслэл Улаанбаатар чуулгад болох тул та бүхнийг хүрэлцэн ирэхийг урьж байна. 

Тоглолтонд:

Б.Жавзандулам МУАЖ
М.Найдалмаа МУГЖ
А.Бүтэд МУГЖ
Т.Должин – Хятадын 1-р дэц, Өвөр монголын хөдөлмөрийн баатар, МУСТА
Г.Батцэрэн ОХ-БУСГЗ, МУСТА
Д.Бямбажав ОХ-УАГЖ МУСТА
Ж.Чингис МУСТА
Ч.Чмнзориг МУСТА
Т.Наранцэцэг МУСТА
Б.Эрдэнэбаатар
Б.Ганзориг
Шавь нар болон залуу уран бүтээлчид оролцоно.

Билетийн үнэ: 15000 төгрөг

Билетийг 88066396, 98289006 дугаартай холбогдож авна уу.

Sunday, June 3, 2012

Монгол туургатны дууны их наадам

Манай сумын гаралтай Үндэсний дуу бүжгийн эрдмийн чуулгын дуучин Батэрдэнэ-н Эрдэнэбаатар Монгол туургатны дууны их наадамд амжилттай оролцож байна.
Түүнийг дэмжсэн саналаа 1616 утсаар өгцгөөе.

Уг их наадмын Гала тоглолт 6 сарын 17-ны 19 цагаас UB Palace-т болно.

Утас 9578-7006
Нутгийн зөвлөл

Wednesday, May 23, 2012

Талархал

Энэ өдрийн мэндийг хүргэе нутгийн нийт оюутнуудадаа,

Турк улсад суралцах сонгон шалгаруулалтанд идэвхтэй оролцсон оюутнуудадаа талархая! Та бүхэн их дээд сургуулиудадаа амжилттай сайн сурч буйг харсандаа бид сэтгэл хангалуун байна.
Цаашид иймэрхүү төрлийн сорил, шалгалт өгөхөд сурч буй үндсэн мэргэжилдээ сайн байхын зэрэгцээ англи хэл орчин цагт бас нэг гол үзүүлэлт болж буйд анхаарахыг та бүхэнд зөвлөж байна.

Баян-Уул сумын нутгийн зөвлөл

Tuesday, May 15, 2012

Зар

Турк улсад суралцах оюутан сонгон шалгаруулах англи хэлний шалгалт 05 сарын 18-ны Баасан гаригийн 17:00 цагт БХИС-д (Улаанхуаран дахь Батлан Хамгаалахын Их Сургууль) болно.

Баян-Уул сумын нутгийн зөвлөл
утас: 992829681 (Онон)

Суралцах хүсэлт гаргагч оюутан нь их дээд сургуулийн аль ч курсэд ямар ч мэргэжлээр суралцаж байж болно. Нийт дүнгийн дундаж 60%  дээш байх бөгөөд үүнийгээ нотолсон сурлагын дэвтэр эсвэл тухайн сургуулийн сургалтын албанаас албан бичиг авчирна. Сонгон шалгаруулалт 2 үе шаттай.
1. Англи хэлний төвшин тогтоох шалгалт
2. Ярилцлага

Гадаадад суралцах ховор боломжийг ашиглахыг нутгийн оюутнууд та бүхэндээ уриалъя!

Баян-Уул сумын нутгийн зөвлөл